Во светските медиуми една од главните вести изминатиов викенд беше свадбата на Меси и неговата љубов од детството Антонела Рокуцо.
Аргентинците ја нарекуваат свадба на годината, а некои дури и на векот.
Познатиот фудбалер и неговата изабраничка, со која имаат и две деца, одбраа прославата да се случи во хотелскиот комплекс „Росарио Сити Центар“ во родното Росарио на Меси.
На прославата присуствуваа нешто повеќе од 260 гости, кои се фотографираа на црвен килим, поставен пред салата специјално за оваа пригода.
Како пренесоа странските медиуми, на менито била застапена традиционална аргетинска храна, но имало и посебен дел со суши специјалитети.
Веначницата на невестата е од брендот „Роса Клара“, со кој соработувале и Ева Лонгорија и кралицата Летиција.
Меѓу гостите беа и познатите фудбалери Нејмар, Луис Суарез како и Пике, кој со приватен џет пристигна во друштво на сопругата Шакира.
Голем број обожаватели на Меси стоеја пред хотелот и казиното, надевајќи се дека одблиску ќе го видат својот идол и неговата сопруга. Но, фудбалерот и за тоа најде решение.
Преку 450 лица го озбезбедуваа објектот, а на еден од надворешните ѕидови имаше и видео бим, со што обожавателите можа да следат дел од прославата.
Освен гостите, на церемонијата присуствуваа и околу 160 фото-репортери.
Интересно е тоа што секој од гостите доби кутија со подароци, меѓу кои и виното што фудбалерот го произведува.
Но, уште нешто го привлече вниманието на медиумите, а тоа е бакнежот на младенците по прогласувањето дека се маж и жена. Според многумина, тој бил малку необичен, па во дел од светските магазини осамнаа и натписи како „Меси е лош бакнувач“.
Leo Messi with the most awkward wedding kiss... pic.twitter.com/7Yp0yNLaQM
— Football Vines (@FootballVines) July 1, 2017
— Forca Barca (@forca_fcb) July 1, 2017
И покрај тоа што на гостите им беше забрането да влегуваат со мобилните телефони, освен фотографии, се појавија и видеа на кои фудбалерот танцува, а коментарите се дека и тоа не му оди баш од рака.
Инаку, Антоанела е братучетка на неговиот најдобар другар. Двојката официјално објави дека е во врска во јануари 2009 година, а имаат и два сина – Тијаго (5) и Матео (2).