40 пати кога Меган Маркл модно триумфираше

Гледајќи ја модната ретроспектива на Меган Маркл, која денеска го прославува 40. роденден, имала многу модни погодоци. Но, сепак највпечатливите стајлинзи ги чуваше за крај. На последните настани на кои ја се појави како Војвотката од Сасекс, ги имаше веројатно највпечатливите појавувања, што секако не е случајност. Си замина со стил и во стајлинзи за кои и денеска се зборува.

„Живанши“, „Хуго Бос“ „Диор“, „Оскар де ла Рента“, „Каролина Ерера“, „Алтузара“, „Викторија Бекам“ се дел од брендовите чии парчиња најчесто бира, а кои поради нејзината титула на Војвотка имаа голем бенефит што ги бира токму нив.

За потсетување, тиркизниот фустан на Викторија Бекам што го носеше на едно од последните појавувања како претставник на кралското семејство, со патент во задниот дел, беше распродаден за рекордно време.

И тоа не беше единствениот пат. Брендот што го изградија Меган и Хари им помогна на многу познати, но и помалку познати брендови.

За разлика од почетоците во актерската кариера, каде сè уште го градеше стилот, сега со себе носи модна препознатливост. Префинетост и минимализам е естетиката која ја негува, а која сепак умее да ја носи на начин што никогаш нема да изгледа досадно на неа.

Ништо помалку внимание не привлекоа и нејзините телевизиски појавувања пред да го роди второто дете.

Од 30 до 40 години се случуваат големи промени во животот, но веројато на ретко кој толку драматични како кај Меган Маркл. Од актерка која се пробива во Холивуд, улогата во серијата „Suits“, скромен стан и пријатели кои не се ултра популарни, за 10 години доживеа да стане принцеза, новиот омилен лик во британското кралско семејство. Од ѕвезди да дојде до дното кога е медиумското внимание во Британија во прашање. Од посакувана сака најнепосакувана кралска личност. Излезе од семејството поради кое макар и на едно време беше принцеза, стана мајка на две деца, имаше јавна исповед и склучи милионски договор со „Нетфликс“ од кој допрва ќе гледаме што ќе донесе.

4 август 2021