Бесмртниот шарм на комбинацијата од плетен елек и бела кошула

Плетените елеци никогаш целосно не излегле од мода и секогаш имале свое специјално место помеѓу бесмртните модни парчиња кои уживаат статус на стилска класика. Оваа есен се чини дека се враќаат во тренд со полна пареа, а можностите за нивно стилизирање се многубројни.

Иако некој ќе рече дека плетениот елек е старомодно парче облека, или пак честопати може да биде замислен единствено само како дел од студентска униформа, новите трендови кои ги проследуваме на социјалните мрежи се доказ дека на ова парче денес му се дава сосема нова и современа димензија.

Модните блогерки сè почесто можеме да ги забележиме како го комбинираат со едноставни бели кошули, пантолони, фармерки, шорцеви, куси здолништа и високи чизми до колена, а ние сме возбудени да споделиме некои примери со вас.

Фото: Pinterest

5 октомври 2022