Највпечатливите модни изданија на ѕвездата на „La casa de papel“ - Урсула Корберо

Фановите на популарната шпанска серија „La casa de papel" во продукција на Netflix, се во очекување на петтата сезона, чие снимање беше пролонгирано како последица на пандемијата.

Една од главните хероини во приказната која го толкува ликот на Токио, актерката Урсула Корберо која пред недела дена го прослави 32 роденден.

Освен тоа што благодарение на серијата стекна светска слава, како и целата актерска екипа, Урсула ги освои симпатиите и на највлијателните личности во светската модна индустрија, па досега имавме прилика да ја видиме во неколку елитни модни кампањи, на насловните страници на најпрестижните модни магазини, а на црвениот килим облечена во дизајни на светски познати модни куќи како Каролина Ерера, Валентино, Барбери, Шанел...

Неодамна, предроденденски, се најде и на насловната на шпанското издание на „Вог“ за септември месец во смарагдно зелен фустан во кој изгледа одлично.

Со роденденски повод, правиме ретроспектива на нејзините највпечатливи стилски изданија, а ги има многу...

Фото: Пинтерест

18 август 2021