Елегантен капут за комплетен зимски изглед

Задолжително парче во еден комплетен зимски изглед е топлиот капут, парче во кое секогаш вреди да се инвестира.

Во актуелната, зимска линија капути на домашниот моден бренд Елена Лука, ќе најдете голем избор на уникатни капути со кои ќе ставите стилски печат на оваа сезона.

Префинетата, елегантна и женствена естетика го дефинира стилскиот израз на оваа линија во која се застапени капути со различни должини и автентични кроеви, претежно во минималистички фазон, изработени од висококвалитетни материјали.

Покрај класичните и безвременски капути во црна варијанта, во оваа колекција се застапени и капути во смели и поинтензивни нијанси како жолта и бојата која институтот Пантон ја одбра за „Боја на 2018 година"-виолетова, како и различни тонови на земјените бои.

Секој капут е со свој автентичен дизајн, финиширан со впечатливи детали, како што се украсните брошеви и деталите изработени од еко-крзно.

11 декември 2017