(Фото) Улична мода во Њујорк: Секој во свој филм

Вчера во Њујорк стартуваше модниот маратон кој ќе се „трча" и во Лондон, Париз и Милано – главната четворка метрополи, домаќини на Модните недели на кои ќе бидат презентирани најновите колекции на светските дизајнерски имиња.

Дополнителен спектакл на отворањето беше шоуто на Вог по повод 130-от роденден, а дел од дизајнерските колекции веќе прошетаа на писта.

И паралелно на овој моден универзум, е светот на уличната мода, која особено во Њујорк е со доминантно изразена индивидуалност.

На улиците на Њујорк нема да забележите како доминира една или друга тенденција. Но, она што сигурно ќе го забележите е како тука владее тотална креативна слобода директно презентирана преку стилот на неговите граѓани.

Секој во свој филм. А тоа му дава диверзитет, боја и еклектичен израз на неговиот лик.

Низ фотографиите на Фил О, ви го доловуваме амбиентот директно од улиците на Њујорк.

13 септември 2022