(Фото) Зелени нијанси како освежување во есенската улична мода

Свежите зелени нијанси ќе ни ја најават новата сезона во уличната мода.

Пријатни, лесни за комбинирање и вибрантни, зелените тонови ќе ја обележат есенската мода оваа година.

Лесно се надоврзува на интензивниот колорит од летото во заминување, па некако природно зелената со целиот свој раскош и моќ ќе го надополни нашиот есенски плакар, давајќи акцент на секоја комбинација во која ќе биде вметната.

Некогаш е доволен само мал детаљ или накит во самрагдно зелена, за целиот потенцијал на оваа боја да биде остварен. Друг пат пак, нема да одолеете да облечете дводелен костум носејќи ја на себе зелената од глава до пети. А таквите примери ќе ги гледаме се почесто во уличната мода оваа есен.

Подгответе се навреме и ѕирнете во нашите предлози.

Фото: Пинтерест

31 август 2022