Јунска мода на скопските улици

Јуни го донесе летното расположение на скопските улици. Скопско лето и во модна смисла.

Облеката станува полесна и пријатна за носење, кроевите добиваат лелеави и опуштени линии, а во изобилство на бои и принтови што му носат шареноликост на градот.

Низ уличките во Дебар Маало првите денови од календарското лето, објективот на Fashionel документираше сегмент од скопската улична мода.

Приоритетот е на удобните обувки, патики, сандали или чевли на ниска потпетица и на парчињата облека кои го надополнуваат ваквиот, генерално опуштен изглед. Дамите бираат миди здолништа со принтови, панталони со висок струк, но и монохроматски макси фустани со минималистичка естетика. Момците пак, патики и маички со принтови или натписи. Џинсот останува безвременска константа, независно од сезоните и временските прогнози.

Добредојде лето на скопските улици.

24 јуни 2022