Како Кристофер Бејли го менуваше лицето на „Барбери“ мантилот

Модната куќа „Барбери“ е препознатлива по мантилот, тоа е нејзин производ на кој е посебно горда и кој воедно стана синоним и за британскиот стил.

Од мај 2001 година, Кристофер Бејли се грижеше за креативниот дел на брендот. Од главен дизајнер, му беше доделена функцијата на креативен директор, по што едно време се обиде да биде и извршен, за потоа сепак да се посвети само на креативата.

Соработката со „Барбери“ трае 17 години, а ќе се заврши во март следната година. За сите овие години на Бејли му успеа да го оживее брендот и да приближи нова публика и потрошувачи кон истиот.

Сепак, секогаш во своите колекции остануваше доследен на „светото парче“ кое низ годините добиваше актуелни нови лица, а за кои ќе посведочите во галеријата.

фото извор: elle.com;

6 ноември 2017