Новогодишна изложба на ракотворби од деца со посебни потреби

Црвениот крст на Република Македонија, во соработка со ЈУ Завод за социјални дејности Скопје деветта година во континуитет имплементира заеднички иницијативи за подобрување на социјализацијата на децата и младите со посебни потреби.

Започнувајќи од 2011 година, Комерцијална банка АД Скопје е спонзор и наш партнер кој преку вработените на банката активно се вклучи во имплементација на проектните активности наменети за поддршка на децата и младите со посебни потреби, како и поддршка на децата сместени во згрижувачки семејства.

На овој хуманитарен настан во МНТ изложени се 80 слики изработени од децата од Дневните центри од 8 општини (Дебар, Делчево, Кичево, Велес, Гостивар, Кавадарци, Прилеп и Скопје) каде се имплементираат проектните активности за подобрување на социјализацијата на децата и младите со посебни потреби.

Во изработките на овие дела вложено е многу труд, љубов и трпение.

15 декември 2017