Ова се најдобрите фотографии направени со iPhone

На неодамнешното доделување на iPhone Photography Awards беа одбрани најдобрите фотографии од 139 земји ширум светот. Наградата за фотограф на годината ја доби Сијуан Ниу од Кина за неговата фотографија „Човек и орел“. Првото место во главната категорија на овогодинешниот натпревар му припадна на Патрик Кулети од Полска за неговата серија „Модерна катедрала“, додека на второто и третото место се најдоа Американецот Робин Робертис и Каролин Мара Борленги. Покрај нив, наградите за првите три места се доделени уште во 18 други категории на фотографи од Австралија, Бразил, Кина, Чиле, Франција, Хонг Конг, Индија, Италија, Филипини, Полска, Португалија, Сингапур, Шпанија, Швајцарија, Шведска, Тајван, Обединетите Арапски Емирати, Обединетото Кралство и Соединетите Американски Држави.

14 јули 2016