Шарена улична мода во Сиднеј

Во тек е Модната недела во Сиднеј, Австралија каде светски дизајнерски имиња ги промовираат своите ресорт колекции за 2017 година, а меѓу нив и дизајнерот со македонско потекло Тони Матичевски коj очекувано претстави колекција со која остави силен впечаток.

Но, „паралелниот" моден свет низ улиците на Сиднеј е исто толку возбудлив колку и оној на модните писти. Со оглед на фактот дека добар дел од светски познатите модни блогерки се од Австралија, може да претпоставите дека токму на улиците се случува вистинска стилска екстаза.

Шаренило од бои, принтови и стилови, комбинации осмислени со внимание, брендирана облека комбинирана со винтиџ парчиња – сето тоа ја прави уличната мода впечатлива, уникатна и привлечна за анализа.

17 мај 2016