Што се носи на улиците во Сиднеј?

Кога уличната мода е во прашање, можеби прва асоцијација се улиците во Њујорк или Париз? Но, покрај најизвиканите модни метрополи, постојат инспиративни улични приказни за кои не се зборува често, но заслужуваат внимание.

Една од највозбудливите е онаа од улиците на Сиднеј. Во тек е тамошната Модна недела, што фокусот на јавноста го стави на уличната мода во која австралијанките го имаат приматот.

Од веќе објавените фотографии, може да посведочиме за нивната умешност во комбинирањето на елегантни и спортски парчиња, со секогаш одмерена доза на сексапил.

Паралелно подеднакво се застапени и еклектичните комбинации што вклучуваат микс на бои и принтови и минималистичките аутфити во монохроматски избор што се движи во рамки црна, бела или сива варијанта.

21 мај 2018