Стилот на Натали Портман низ 39 фотографии за 39-от роденден!

Денеска, една од најангажираните актерки Натали Портман, полни 39 години.

Иако е актерска ѕвезда од дете, за разлика од голем дел од нејзните колеги со таков статус, не го злоупотреби тој момент на своја штета, тука напротив, се изгради во сериозно профилирана актерка – една од најбараните и најплатените во Холивуд.

Како растеше професонално, така созреваше и нејзинот стил пред судот на јавноста.
Ако направите ретроспектива на нејзиниот имиџ, ќе забележите дека генерално таа е лојална на минимализмот, елеганцијата и женственоста, без ексцентрични експерименти.

За црвениот килим секогаш бира беспрекорни, елегантни тоалети, најчесто во црна или бела варијанта, со по некој детаљ кој дава акцент на препознатливост. Во приватниот живот пак, кога е во прашање стилот, таа се држи до едноставноста во која секогаш наоѓа удобност и лежерност.

Ова е прогресот на стилот на Портман прикажан низ 39 фотографии...

Фото: Пинтерест

9 јуни 2020