Талентирана Русинка ги претвара принцезите на Дизни во модерни трендсетерки

Веројатно ова се најубавите фотографии што ќе ги видите денеска, а ги направи една модна илустраторка од Русија со неверојатен талент.

Принцезите на Дизни отсекогаш биле инспирација за малите девојчиња ширум светот, а се чини тоа било случај и со Анастасиа Косианова од Русија која покрај во принцезите, вљубена е и во модата.

Кога ќе се спојат овие две работи со нејзиниот талент, резултатот се прекрасни илустрации што ќе посакате да ги погледнете неколкупати.

Познатите принцези носат парчиња од светски дизајнери, а истите се толку добро комбинирани, што создаваат впечаток дека се вистински трендсетерки.

Талентираната Анастасиа ја открила желбата за цртање и мода уште кога била многу мала, па на 17 години почнала да студира моден дизајн на локален универзитет.

Сега, на 28 години, работи како моден илустратор и има повеќе од 78.000 следбеници на социјалните мрежи благодарение на нејзините одлични фотографии.

Во галеријата погледнете ги неверојатните илустрации на Анастасиа.

16 јануари 2019