Дајана Рос го затвори Гластонбери со пораката кон сите да ја „почувствуваат моќта на љубовта“

•

27 јуни 2022

Седумдесетиосум годишната соул пејачка Дајана Рос, вчеравечер го затвори фестивалот Гластонбери со воодушевувачки настап и искрена порака до илјадниците присутни да ја „почувствуваат моќта на љубовта".

Сетот со кој Рос настапи ги вклучуваше сите нејзини хитови кои со децении ги пленат срцата на слушатели од повеќе генерации. Пејачката се појави на сцената облечена во светкав фустан со соодветна бела наметка и деликатна круна со пердуви на главата, а концертот го започна со изведба на легендарната „I'm Coming Out" од 1980 година, привлекувајќи громогласен аплауз.

Фото: dailymail.co.uk

Публиката ја уживаше уникатната можност да ги слушне и изведбите на хитовите „Baby Love", „You Can't Hurry Love", и „Stop! In The Name Of Love", додека пак кон крајот на песната „Chain Reaction", розови конфети го исполнија воздушниот простор пред сцената.

Рос изведе и песни од нејзиниот најнов албум насловен „Thank You".

Сакам да знаете колку сум благодарен за овој живот, исполнет сум со благодарност за секој од вас, ми се допаѓа идејата да пеам дење... Можам да ве погледнам в очи. - кажа пејачката, порачувајќи: - Почувствувајте ја моќта на љубовта.

Откако објави дека неодамна наполнила 78 години, Рос ја повика толпата да танцува со неа.

Погледнете како изгледаше кралицата на соул музиката вчера.

Фото: dailymail.co.uk