Денес ќе се одржи погребот на Кралицата Елизабета: Еве ги деталите за церемонијата
•
19 септември 2022
Кралицата Елизабета Втора ќе биде погребана денеска со највисоки државни почести во присуство на 200.000 гости, меѓу кои членови на кралското семејство и стотици светски лидери и високи личности.
Фото: news.sky.com
Фото: news.sky.com
Погребалната церемонија ќе стартува со поворка која ќе започне од зградата на парламентот ќе застане во Вестминстерската палата. Потоа, ковчегот ќе биде пренесен во Капелата Сент Џорџ во Виндзор каде Опелото ќе започне во 16 часот по локално време, каде ќе биде присутен само најтесниот круг на кралското семејство.
Фото: news.sky.com
Фото: news.sky.com
Ќе се одржи едночасовна служба на која ќе се обратат надбискупот Кентербери и британската премиерка Лиз Трас, а по богослужбата, ковчегот ќе биде превезен со кочија низ Лондон, во придружба на семејството до Велингтон Арх, поминувајќи покрај Бакингемската палата.
Фото: news.sky.com
Фото: news.sky.com
Погребалната церемонија ќе биде пренесувана во живо на националните телевизиски канали, и ќе биде прикажана пред голем број луѓе во повеќе паркови и други јавни места во Британија.
Фото: news.sky.com
Фото: news.sky.com
Безбедносните мерки преземени околу погребот се од највисоко ниво. Властите ангажираа повеќе од 10.000 полициски службеници кои поддршка ќе имаат од лондонската улична полиција, како и полицајци од сите 43 полициски постави во Британија. Наедно, полицијата постави повеќе од 36 километри ограда во центарот на Лондон за да ја контролира толпата. Се очекува да се соберат околу еден милион луѓе, па за таа цел ќе бидат засилени и безбедносните мерки во метрото и железницата.
Во Лондон веќе пристигнаа голем број претседатели на држави и влади, кои ќе присуствуваат на погребот на кралицата. На оваа листа се најде и македонскиот претседател Стево Пендаровски, кој веќе се потпиша во книгата на жалост во Лондон и заедно со сопругата и оддаде почит на кралицата.
Фото: Facebook | Stevo Pendarovski
„Дојдовме во Лондон за да оддадеме последна почит на Кралицата Елизабета Втора.
Голема почит за децениите во служба на народот и за тоа што беше пример за лидерство, скромност и великодушност. Нека почива во мир", објави претседателот на својот Facebook профил.
