Конечно легендарните Битлси добиваат биографски филм

Животните приказни на четворицата легендарни членови на Битлси ќе добијат филмско остварување.

Поточно, планирани се вкупно четири, биографски филмови, за секој член одделно.

Според прогнозите филмовите ќе бидат готови во 2027- ма година, а јавноста ќе има одлична можност да погледне одблизу како секој член на бендот ја доживувал големата популарност.

Режисер на овој амбициозен проект е Сем Мендес, а зад продукцијата стои студиото Sony Pictures Entertainment, коешто ќе ги финансира и дистрибуира сите четири филма.

Бендот Битлси низ историјата беше дел од различни документарци, но ова ќе биде прва прилика да ги видиме нивните животни приказни во форма на игран филм.

Ринго Стар и Пол Мекартни, двајцата живи членови на групата, го поддржуваат проектот во целост, што е од големо значење за целата продукција, но и за фановите.

Фото: Pinterest