Поинакви тетоважи што го освоија светот

Дури и ако припаѓате во онаа група луѓе што не се големи овожаватели на тетоважите, овој тату артист од Сеул дефинитивно ќе ве освои со неговата деликатност.

Неговите фантастични мини- тату дела со неверојатна брзина го освоија Интернетот, а веруваме дека ниту вие нема да останете рамнодушни.

Тој е еден сосема поинаков уметник кој на неодолив начин се бори за тоа да им стави крај на сите оние комплицирани и неверојатно видливи тетоважи што многумина обожуваат да ги ставаат на себе.

Она по што тој е препознатлив,  се тенките линии со кои ги обликува тетоважите, пастелните бои кои  ги користи и геометриските мотиви како негов основен темел при отпочнувањето на секоја тетоважа.

Нежните цртежи на мачиња, оригамите, мини срцињата и различните видови на дијаманти, се само дел од неговата специјалност по која девојките полудеа за да ги имаат на себе.

Иако со ваквиот вид на тетоважи, повеќе од сигурно е дека женската клиентела во неговото студио е побројна, но сепак, многумина посочуваат дека можеби тој е предвесникот на новиот тату тренд на сцената.

Доколку ви требаше малку поттик за да ја ставите вашата следна тетоважа, можеби овој фантастичен уметник од Сеул ќе ви помогне во тоа!