Андријана Петрушовска стилизирана во ЕЛЕНА ЛУКА ќе настапи на шестиот круг од Ѕвездите на Гранд

Андријана Петрушовска од Скопје јавноста ја запозна во втората сезона на регионалното музичко шоу Ѕвездите на Гранд.

Таа лани беше финалистка, на чекор до триумф, а годинава стаса до шестиот круг на шоуто кој што допрва ќе се емитува.

Младата девојка плени со својот глас и убавина, а на својот инстаграм профил ни го откри стајлингот за нејзиното следно појавување на сцената.

Заслужен за беспрекорниот изглед на Андријана е нашиот етаблиран бренд ЕЛЕНА ЛУКА.

Задоволството и самодовербата уште посилни заедно со ЕЛЕНА ЛУКА тимот на професионалци со кои започнуваме една нова и успешна приказна! Рефлексијата е очигледно блескава, кога си опкружен со професионалци!

Со ова таа ја најави соработката со модната куќа која безрезервно им дава поддршка на младите музички уметници и голем дел од познатите во шоубизнисот.

Андријана јавноста ќе може да ја види во дводелен сет во впечатлива црвена боја, составен од свилено макси здолниште и топ со долги ракави украсен со златни детали под градите.

Овие две уникатни парчиња со потпис на ЕЛЕНА ЛУКА ќе бидат надополнети со раскошна црвена наметка и круна со којашто таа ќе изгледа како вистинска божица.

И ја посакуваме сета среќа.