Есенските дизајнерски колекции од утре во Lotus Design Store

Во концептуалната продавница Lotus Design Store, утре официјално ќе започне продажбата на новите колекции за есен-зима 2014/15 на македонските модни дизајнери. Покрај постоечките брендови, во продавницата за првпат ќе бидат изложени и колекции на тројца нови дизајнери – Јован Петровски со своите брендови Squire и Blackout, Златко Јовановски со „Страшен суд“, колекции со кои се претставија на моден викенд, како и брендот „Сино студио“ на Ема Николова, со колекцијата на мебел Трикон.

Освен новите брендови, посетителите во Lotus Design Store може да ги пробаат и колекциите на дизајнерите Росица Мршиќ и Елaна Спасовска, колекцијата „Тајмлес“ на брендот КУФЕР од дизајнерката Андријана Динева, „Кирилица“ на Стефанија Насеска и „Зебра“ на Ирина Тошева, кои исто така се претставија на неодамнешната модна манифестација.

Заинтересираните можат да купат парчиња и од есенските колекции на  Le Brand на Лили Кадинска, „4 Сезони“ на Марта Мирова, Macci на Марија Спасеска и Vibrazioni на Александра Митковска.

Стефанија Насевска

JZJ Златко Јовановски

Јован Петровски

Ирина Тошева

Ема Николова

Андриана Динева Куфер

Андриана Динева - Куфер