Кој е новиот креативен директор на Роберто Кавали?

Откако дизајнерот Питер Дандас во октомври ја напушти позицијата креативен директор во италијанскиот бренд Роберто Кавали, период од неколку месеци се шпекулираше со имињата, кој ќе застане на чело на брендот.

Денеска модната куќа излезе со официјално соопштение дека за нов креативен директор е именуван Пол Сериџ.

Британскиот дизајнер доаѓа на оваа позиција, по неговиот последен ангажман во Acne Studios. Неговото професионално портфолио вклучува соработки со звучни имиња од модната индустрија како Калвин Клајн, Џил Сандер и Барбери.

Неговата прва колекција за Роберто Кавали ќе имаме можност да ја видиме на модната недела во Милано во 2018 година.