Наследничката на Меквин, Сара Бартон, по 26 години ја напушта модната куќа

Кога во 2010 светот остана без талентираниот дизајнер Александар Меквин, едиствена негова достојна замена беше Сара Бартон.

Таа беше негова десна рака уште од 1996 година и логично беше да ја преземе работата на Меквин кој прерано си замина.

Сега 13 години подоцна кога Сара реши да даде оставка од модната куќа, тешко е да се замисли кој би можел да биде нејзина замена.

Групацијата Керинг под која што спаѓа модниот бренд излезе со соопштение во кое причините за заминувањето не се наведени.

Колекцијата пролет/лето 2024-та која ќе биде презентирана на крајот на месецов, ќе биде последна под палката на Бартон.

Таа остана доследна на посветеноста на Меквин и многу вложуваше во деталната и квалитетна изведба на секое парче.

Сара не ја продолжи уметничката визија на Александар, но затоа ја претвори модната куќа во моќен луксузен бренд, што не ги диктира трендовите, но секогаш е на врвот по изработката и квалитетот.

Токму затоа и Кејт Мидлтон ја ангажираше Бартон да ѝ ја изработи венчаницата, а Лејди Гага ѝ го довери стајлингот за оскарите во 2019.

Сара ги облекуваше и Бијонсе, Кејт Бланшет, Мишел Обама, Зендаја, Хери Стајлс, Роберт Патисон...

Два пати беше прогласена за дизајнерка на годината (2011 и 2014) и еднаш за најдобра интернационална дизајнерка во 2019-та.

Најголемото признание за нејзината маестрална работа се случи во 2012 кога тогашниот принц Чарлс и го додели престижниот орден OBЕ.

Кој ќе биде нејзината достојна замена, останува да видиме.

Фото:Pinterest