Новото лице на Шанел
•
11 март 2016
Уште една ќерка на холивудски пар влезе во семејството на Шанел. Се работи за младата актерка, пејачка и текстописец Вилоу Смит, ќерка на Вил и Џејда Смит.
Нејзината моќна и впечатлива појава беше доволна причина Карл Лагерфелд да ја препознае како новиот бренд амбасадор на Шанел, а и самата Вилоу е голем фан на луксузната модна куќа.
Со своите 15 години, таа му се придружи на елитното друштво заштитни лица на Шанел меѓу кои се и Дајан Кругер, Кристен Стјуард и Алис Делал.
Инаку Вилоу не е единствената од семејството Смит која зачекори во модниот свет. Нејзиниот постар брат Џејден неодамна се појави во кампања на Луј Витон облечен во здолниште.
