Премиерката на Финска негативна на тестот за дрога

Премиерката на Финска, Сана Марин, е негативна на тестот за дрога, објави Владата, по реакциите што ги предизвика откако беше објавено приватно видео каде таа танцува, пее и пие на забава.

Откако се соочи со критики од опозицијата и од нејзе беше побарано да направи тест за дрога, таа изјави дека никогаш нема земено дрога, но сепак за да го потврди тоа ќе го направи тестот.

„Се надевам дека во 2022 година ќе биде прифатено дури и оние кои носат важни одлуки да играат, да пеат и да одат на забави", изјави Марин во однос на бурните реакции во јавноста.

Од друга страна пак, деновиве во знак на поддршка за финската премиерка, стотици жени ширум светот објавуваат видеа на социјалните мрежи на кои танцуваат и се забавуваат, укажувајќи на правото на триесет и шестгодишната премиерка да се забавува, дури и покрај фактот што таа е премиер.

Инаку неодамна, Марин беше прогласена за најкул премиер во светот од страна на германскиот весник „Билд".

This is brilliant! Now Finns are sharing Sanna Marin party parodies to show their support for the Finnish PM pic.twitter.com/Gta2H8gV5X

— Very Finnish Problems (@VFinnishProbs) August 22, 2022