Време е за висока мода во Париз - колекции есен 2013/14

Престижните колекции на најпознатите дизајнерски имиња, ќе бидат  претставени на модната недела за висока мода во Париз, а шоуата  стартуваат од денес со презентирањето на колекциите од сезоната есен 2013/14 година. Луксузните креации први ќе ги претстави модната куќа  Версаче, додека од  понеделник на пистата  ќе зачекорат моделите ангажирани од  дизајнерот Кристоф Џос.

Следното шоу е резервирано за холандскиот дизајнер Ирис Ван Херпен која има наклонетост кон мешање на науката со модата и несомнено ќе претстави уште еден моден футуристички обид, за потоа Џамбатиста Вали да го затвори денот со автентичен италијански гламур. Веќе во вторник е  ревијата  на Шанел , кога и  се очекува да се појават голам број на познати имиња, како во публиката  така и на писта. Следниот  ден ќе биде спектакуларен исто како и предходните  и ќе отпочне со добро познатите бајковидни фустани од Ели Сааб, како и чудесниот моден свет на Жан Пол Готие.  Во меѓувреме дизајнерското дуо Виктор и Ролф прават голем кам-бек со колекција од висока мода а со тоа и четвртиот ден ќе биде затворен со уни-секс колекциите на  Хурани и Зухаир Мурад.