ЕЛЕНА ЛУКА ќе ја промовира новата колекција „Satin Dream“ на претстојниот Skopje Fashion festival

Етаблираниот моден бренд ЕЛЕНА ЛУКА својата нова колекција „Satin Dream" за сезоната пролет-лето'23 ќе ја промовира во рамките на претстојниот Skopje Fashion festival.

Со ексклузивна модна ревија на која ќе бидат презентирани атрактивните дизајни од новата свечена колекција, ЕЛЕНА ЛУКА ќе го затвори првиот дел од програмата на 12 ноември со почеток во 21:30 часот во Skopje City Mall.

По завршувањето на ревијата, уникатните парчиња ќе бидат изложени во рамки на специјализираниот шоу рум кој исто така како дел од програмата на Skopje Fashion Festival ќе биде поставен во Skopje City Mall на првиот кат, а сите љубители на модата тука ќе имаат можност одблиску да се запознаат со новата колекција на брендот.

По завршувањето на програмата на Skopje Fashion Festival која се затвора на 20 ноември, „Satin Dream" ќе биде достапна во продажба во ателјеата на ЕЛЕНА ЛУКА во Скопје и Струмица, како и онлајн на www.elenaluka.com.