Кралицата на уличниот шик го промовираше лукбукот за есенската колекција

По планетарниот бум кој го направи со својата претходна колекција за H&M, Изабел Марант сега најавува нов предизвик за љубителите на урбаниот уличен стил со промовирањето на новиот есенски лукбук.

Одличните парчиња кои беа презентирани на Париската модна недела на почетокот на оваа година, сега се сублимирани во новиот лукбук за претстојната сезона. Кралицата на уличниот шик останува доследна на својот стилски правец и акцентот го става на парчиња со боемски дух.

„Ја сакам удобната и топла облека, оние парчиња во кои може да се движите слободно и ќе се чувствувате сигурно“, изјави креаторката опишувајќи што може да очекуваме од оваа линија. Капути, широки пуловери, џинс, кожени јакни и модни додатоци во препознатливиот стил на Марант.