Погледнете ја новата раскошна колекција на омилениот Зухаир Мурад

Миленикот на жените, Зухаир Мурад конечно го објави лукбукот за неговата колекција за есен 2015, во кој по кој знае кој пат смести раскошни и сензуални модели.

Неговата есенска приказна овојпат почнува со неверојатни црно – бели модели, меѓу кои и фустани како создадени за на црвениот килим, но и елегатни панталони комбинирани со неодоливи светкави блузички.

Палетата на бои на дизајнерот овојпат почнува од млечно бела украсена со црни светки, па сѐ до нежно сина и боја на кожа кај кусите фустанчиња.

Како и секогаш, Мурад понуди долги раскошни тоалети, транспарентни блузички украсени со богати детали, тренди бели комбинезони со ремен на половината, а во понудата секако ги има и неговите добро познати креации целосно изработени од тантела.

Лукбукот што дизајнерот го направи за презентација на колекцијата е сосема едноставен со виолетова сценографија со што целиот акцент е ставен на прекрасните модели.

Во фокусот на колекцијата се дефинитивно и одличните чевли што дизајнерот ги комбинира со моделите, во едноставна боја на кожа со врвки и суптилен шпиц.

Во продолжение, погледнете ги сите модели од одличната есенска колекција на дизајнерот.