Дизајн изведен од инстинкт, вака есенцијално би можеле да ви ја доловиме новата ресорт колекција на Живанши.
Така ја доживува и пренесува и креативниот директор на брендот, Метју Вилијамс, кој запрашан од Вог што стои како инспирација, вели:
-Навистина дизајнирам инстинктивно, тоа што мислам дека е кул, како гледам како жените се облекуваат...
И навистина оваа колекција е кул. Особено за новата генерација, која под кул подрабира едноставно, ама и секси.
Ќе ги видите сите нијанси на црната боја. Црно кожено здолниште, црн сет од сако и панталони со бикини топ, црн припиен фустан кој можеби е и најблиску до елеганцијата на Живанши. И да заклучокот е дека црната е навистина забавна боја.
Особено како Вилијамс ја прикажува преку сетови во кои се пресретнуваат генерацијата на млади моќни жени и дами кои имаат свои правила на игра.
Вилијамс ја пронашол моќта во едноставноста, особено кога таа едноставност е облечена во црно.