Магичната песна на морето опеана низ моделите на Долче и Габана во совршениот Капри

Викендов буквално сите зборуваа за совршениот едиторијал за октомврискиот број на јапонски Вог во кој на пиедестал се моделите од последната колекција на Долче и Габана.

Неверојатното дуо составено од Ана Дело Русо и уникатната Џована Батаља направија навистина одлична работа во еден од најубавите италијански острови Капри, каде што впрочем и неодамна брендот ја претставија нивната Алта Мода колекција.

Дел од фантастичниот едиторијал на Капри се прекрасните Надја Бендер, Кинга Рајзак и Далиана Арекон кои ја имаа честа да позираат во некои од најраскошните couture креации од новата колекција на брендот.

Фотограф на совршениот едиторијал е Бо Џорџ, а резултатот како што се очекуваше е и повеќе од магичен! Стајлингот нормално, го потпишуваат славните уреднички и стилистки на Вог Ана Дело Русо и Џована Батаља.

Овој понеделник и новиот месец започнете го со магијата на Капри и фасцинантниот едиторијал со единствените модели на Долче и Габана.