Седум нови француски икони на стилот: Достојни наследнички на Брижит Бардо и Џејн Биркин!

Тие се едни од најстилските девојки во Франција веќе подолго време, а нивниот стил го обожуваат и девојките ширум светот! Во моментов, заборавете на феноменалната Брижит Барди, Џејн Биркин или во поново време, Одри Тоту, и концентрирајте се на овие девојки за кои допрва ќе се слуша!

Сесил Касел

Актерката која дел од својот живот му го посвети и на пеењето, доаѓа од семејството на еден од најпознатите комичари во Франција Жан Пјер Касел. Сесил Касел е позната по нејзината платинесто руса коса и нејзината опсесија кон Шанел чии ревии ги чека со нетрпение. Во нејзината биографија има и епизодна улога во серијата Сексот и градот кога ја глумеше Клое Петровски во париското финале!

Адел Ексарчопулос

Јавноста дозна за Адел по огромниот успех на нејзиниот филм „Blue is the warmest color“ што освои Златна палма на престижниот Кански филмски фестивал. Оттогаш, оваа шармантна девојка почнавме да ја гледаме на многу ревии, а за многу кратко време стана и заштитно лице на ресорт колекцијата на брендот Миу Миу заедно со нејзината колешка Леа Сејду.

Каролин де Магрет

Манекенката и музички продуцент Каролин де Магрет поседува неверојатна харизма – резултат на ефектниот микс на париската мода и фанки изгледот кој е типичен за францускиот модел Лу Дулон – несредената фризура и црната облека. Од неодамна, Каролин е авторка и на книгата How to be Parisian Wherever You Are, а наското ќе излезе и нејзината втората книга Love, Style and Bad Habits. Едвај чекаме!

Мадмоазел Агнес

Модната новинарка и ТВ водителка има големо медиумско влијание во Франција, каде нејзиниот стил го сметаат за еден од најдобрите. Оваа дама ги пренесува сите ревии во живот од париската модна недела на францускиот Канал Плус, а често можеме да ја видиме и во рекламните спотови за различни брендови.

Леа Сејду

Оваа прекрасна 28 – годишна актерка се прослави преку филмовите Midnight in Paris и Inglorious Bastards, а нејзиниот стил е еден од најавтентичните што сме го виделе во последно време. Младата актерка досега неколкупати била дел од рекламните кампањи на неколку светски брендови, меѓу кои и Прада, Миу Миу и многу други.

Елaјза Седну

Французинката која има египетско – италијанско потекло порасна во Париз. Таа обожава да носи лежерни фустани со миди должина, како и костими со пруги. Оваа девојка има неверојатно модно педигре со оглед дека нејзиниот кум е никој друг туку Кристијан Лубутан. Инаку, оваа дама е сопруга на Алекс Делал, поранешното момче на прекрасната Шарлот Касираги!

Констанс Јаблонски

Прекрасната Констанс беше откриена на францускиот натпревар за Елит Модел Лук. Оттогаш, можевме да ја видиме на ревиите на некои од најпознатите дизајнери како Долче и Габана, додека нејзиното лице се најде на некои од најпрестижните модни магазини пред објективите на големите Марио Тестино и Патрик Демарчелиер. Таа е родена во францускиот град Лил, а од неодамна живее во Њујорк.