Селма Блер - посилна од секогаш!

Потребни беа повеќе од 40 години за актерката Селма Блер да ја добие дијагнозата што ѝ го промени животот.

Иако вестите што ги доби не беа добри, сепак Селма излезе посилна од болеста.

Како што и самата вели бастуните ѝ станале верни придружници во последните години и сака да ги прилагодува на тоа што го носи.

Актерката, која што зад себе има богато искуство, и покрај непријатностите низ кои што поминува изгледа одлично.

Со самото сознание за мултиплекс склеорозата Селма доби сила и наместо да се повлече, таа ја користи болеста да ја зголеми свесноста за неа и на некој начин да им помогне на другите со истата дијагноза.

Таа секогаш изгледа беспрекорно, елегантна од глава до пети, но и непредвидлива во својот избор.

Една од омилените и е црната боја и честопати ја стилизира во различен аутфит.

Од префинети тоалети до одела, Селма што и да носи, го носи со стил. Секако тука се, како што и самата вели, нејзините модни додатоци, односно бастуните.

Многумина би рекле дека тие се симбол на слабост, нешто што покажува дека на човекот му е потребна поддршка.

Но, за нашата модна икона, тоа не важи. Бастуните се сега дел од животот на Селма, симбол на сила, на храброст, на прифаќање и продолжување понатаму.

Секоја чест!

Фото: Pinterest, Vogue/Getty