Понеделни во кафени тонови

Добро утро. Нова работна недела е пред нас, а ние ја започнуваме со деловна комбинација во кафени тонови.

Панталони со висок струк и широки ногавици се искомбинирани со ролка во чоколадна нијанса. На тоа е додаден блејзер во кафени нијанси. 

Модните додатоци се исто така во тие рамки. Мала, но впечатлива чанта, широк ремен со кој дополнително се нагласува половината и шапка се одличен избор со кој е заокружена комбинацијата.

Кога се обувките во прашање, овде се рамни чизми до глужд, но ако преферирате потпетици, можете да ги замените со чевли.

Ви посакуваме убав почеток на работната недела.