Викенд рецепт: Мафини со јапонски јаболка и кокос
•
21 јануари 2023
Сега е најдобро време да се погрижиме за здравите навики. Јануарските празници се зад нас, па добро би било да направиме еден мал детокс на организмот со вкусни и здрави рецепти. Слатките задоволства нема да изостанат, но ќе бидат во една многу подобра и понутритивна варијанта.
Една наша инстаграм блогерка, која што редовно ги почестува своите следбеници токму со здрави оброци, меѓу другото подготви и мафини со јапонски јаболка и кокос. Десерт без грижа на совест.
- 1 шолја овесно брашно (мелени овесни снегулки)
- половина шолја кокосово брашно
- половина шолја кокосови снегулки
- 1 супена лажица лажица какао
- 1 кафена лажичка прашок за печиво
- половина к.л. сода бикарбона
- половина к.л. цимет
- половина к.л. сол
Течни состојки
- 1 ипол шолја пире од јапонски јаболка, измешани во блендер без семки и лушпа
- четвртина шолја растопено кокосово масло
- 1 супена л. ванила
- сируп од урми (по желба)
- 1 с.л. путер од лешник
Подготовка
- Загрејте ја рерната на 170 степени и подгответе ги модлите (калапите) за мафини
- Во подлабок сад измешајте ги сувите состојки
- Додадете ги течните состојки и мешајте додека не добиете еднолично тесто.
- Со лажица ставете од смесата во калапите, натапкајте ги и ставете ги на печење околу 25 минути.\
View this post on Instagram
Фото: Instagram
