Дали би сакале да поседувате чанта во форма на јакна?

Судејќи според најавата за пред есенската колекција можеме да очекуваме возбудлива сезона за чија инспирација се користени ликовите на Барт Симпсон и Сунѓерот Боб.  Џереми Скот реши да сподели неколку фотографии на Инстаграм, па од таму ги откривме и овие чанти во форма на јакни кои сигурно ќе направат вистинска револуција во модниот свет, како што веќе тоа го направи со препознатливите принтови и соработката со Адидас.

Откако при крајот на октомври застана на чело на италијанската модна куќа и ја превзеде функцијата на Росела Џардини, Скот постојано изненадува со интересни парчиња. Ние сме во исчекување на колекцијата есен – зима 2014 која треба да биде претставена на модната недела во Милано каде што ќе се одбележи и триесетиот роденден на модната куќа Москино.