Фарел креираше шик патики за Адидас

Оваа пролет се случува вистинско враќање на патиките, па така можеме да ги видиме во секојдневните комбинации на сите оние кои сакаат да уживаат во лежерни и удобни денови.

Бројните познати брендови оваа сезона нудат огромен број на модели за сечиј вкус, а едни од најпопуларните се оние на Пума и Адидас.

Сосема нов модел кој за кратко време стана омилен меѓу младата популација е оној што Фарел го креираше за Адидас со наслов Hu.

Во моментов, овој модел можете да го набавите во две комбинации на бои, бело – зелена како онаа на Stan Smith моделите, но и бело – жолта со златни детали во задниот дел.

Официјално, овие модели ќе бидат пуштени во продажба на 6 – ти мај, а повеќе од сигурно е дека истите веќе имаат огромен број обожаватели.

Направени се од висококвалитетен материјал кој дозволува ногата слободно да дише, а одоздола има мека гума со која ќе уживате во текот на целиот ден.

Колекционерите на патики на социјалните мрежи веќе го споделуваат своето воодушевување од овие модели на музичарот, а со оглед на тоа што ќе го носат неговото име, успехот е и повеќе од гарантиран.