Анџелина Џоли во бел кошула-фустан и уште десет слични модели лесни за летни комбинации

Анџелина Џоли деновиве беше фотографирана на сет во Рим, каде периодов работи на нејзиниот нов филм „Without blood". На фотографијата носи бел кошула-фустан кој се чини екстремно удобен, а истовремено со силен стилски ефект. Тоа што Џоли го комбинирала со лежерни, лесни влечки и ретро очила за сонце, е приказ како ова безвременско парче може да го стилизирате и во наједноставни, опуштени летни изданија.

Вакви модели на фустани носела и Џеки Кенеди, која им дала важност и универзален карактер, а и Одри Хепберн која овој тип на фустан го трансформирала во елегантно и женствено парче, што секоја дама го посакувала во својот плакар.

А денес речиси и секој плакар има по некој ваков модел на фустан: практичен, функционален во различни прилики, лесен за комбинирање и компактен за сечија фигура.

Варира во должините од мини до макси, со кратки или долги ракави, а изборот на дезени и бои е неограничен.

Следејќи го примерот на Џоли, направивме селекција на 10 бели кошула-фустани и исто толку начини како да ги комбинирате оваа летна сезона од утро до вечер.

Фото: Getty, Elle.com, Пинтерест