Бијонсе на насловна страна на Vogue: „Ренесанса“ по цели шест години пауза

Иконата Бијонсе (40), во четвртокот го најави својот камбек, позирајќи на насловната страница на британскиот Vogue.

По цели шест години пауза, пејачката и добитничка на Греми награди, се враќа со нов албум налсовен „Ренесанса". Албумот ќе биде објавен на 29 јули, а како дел од промотивниот процес, Бијонсе позираше за фотосесија на Vogue.

На насловната страна, таа седи на коњ, облечена во црна кадифена тоалета, а на главата носи драматична круна од црни пердуви дизајнирана од Harris Reed.

Бијонсе | Фото: Vogue

Таа исто така се појавува облечена во златно палто извезено со кристална мрежа на Schiaparelli Haute Couture, носи винтиџ накит и кристали на Swarovski, како и обетки со позлатени кристали.

Бијонсе | Фото: Vogue

На друга фотографија пак, пејачката позира седната на диско топка, облечена во свилен корсет, сребрени хеланки и свилен „опаш" на Harris Reed . Чизмите украсени со чипка на Harris Reed и Roker го комплетираат стајлингот заедно со круната од пердуви дизајнирана од Harris Reed и Vivienne Lake. На оваа фотографија, пејачката носи и ѓердан од платина и дијамант на Tiffany.

Бијонсе | Фото: Vogue

Според главниот уредник на Vogue, Бијонсе „сака да си игра со модата како никогаш досега".

Тоа се забележува и во фотографијата каде пејачката позира седната на мотор, целосно облечена во кожа, вклучително и кожна јакна од Junya Watanabe, винилни хеланки Commando, чизми на платформа Harris Reed & Roker и кожна круна со мониста со сребрени обетки од Malakai.

Бијонсе | Фото: Vogue

Уредникот Енинфул ја опиша инспирацијата за фотосесијата како „модно-фантастичен спин на клупскиот живот во текот на последниот квартал од минатиот век".

Несомнено, оваа фотосесија претставува совршена илустрација на „ренесансата" во музиката и стилот на Бијонсе и ја означува новата гламурозна ера на пејачката.