Џејми Ли Кертис блесна покрај двете ќерки во светкава црвена тоалета на Ралф Лорен за премиерата на „Halloween Ends“

Сцена
•
13 октомври 2022

На премиерата на „Halloween Ends" која се случи во вторникот во Лос Анџелес, холивудската актерка и легенда Џејми Ли Кертис (63), зачекори на црвениот килим придружена од своите две ќерки, Ени и Руби Гест.

Фото: Getty

Актерката блесна пред рефлекторите и камерите на црвениот килим облечена во беспрекорно елегантна креација со потпис на дизајнерот Ралф Лоран. Црвената „Minali" макси тоалета обложена со блескава мрежа, која ги открива рамениците и рабови кои го допираа подот, совршено ја го истакнаа софистицираниот вкус на Џејми Ли Кертис. Актерката го ккомплетираше изгледот со дијамантски обетки на Кејти Ватерман.

Фото: Getty

Нејзините ќерки го следеа примерот на својата мајка, па така Ени се одлучи за црн фустан без прерамки со благо деколте и сребрени рози извезени на корсетниот горен дел од фустанот и мрежести ракавици, додека пак Руби се одлучи за сребрен фустан во комбинација со црн блејзер и чанта во форма на тиква.

"Моето семејство. Најгордата мајка. Љубовна поддршка. @halloweenmovie", гласи описот под фотографијата која Кертис ја објави на Инстаграм веднаш по премиерата.

Со овој последен филм од „Halloween" франшизата, актерката се збогува со нејзиниот лик Лори Строд.

Објавено:
13 октомври 2022
Категорија: 
Сцена
Прочитано:
747 пати
Тагови: 
мода стил актуел сцена Halloween Џејми Ли Кертис Холивуд Лос Анџелес Halloween Ends Ралф Лоран црвен фустан црвен килим премиера филм актерка