Година на разводи: Крај и на бракот на Аврил Лавињ!

По две години заеднички живот, Аврил Лавињ вчера на својот Инстаграм профил објави дека го раскинува бракот со фронтменот на познатата рок група Никелбек, Чед Кругер. 

„Многу ми е тешко што морам да ви кажам дека јас и Чед го објавуваме нашиот развод денеска“, напиша канадската музичка сензација објавувајќи фотографија од нивната венчавка на социјалните мрежи. 

Таа додаде и дека не само во нивниот брак, туку и во заедничката музика имаат безброј моменти кои што ќе ги паметат засекогаш. 

„Ние сѐ уште сме и секогаш ќе бидеме најдобри пријатели и ќе се грижиме еден за друг. На нашите семејства и пријатели, им благодариме за огромната поддршка“, напиша пејачката. 

Овие денови, на големо се шпекулира дека и бракот на Жизел Бундшен и Том Брејди се распаѓа. Овие шпекулации уште повеќе се зголемија откако беше објавено дека двојката има проблеми поради спортската афера Deflategate во која е вмешан рагбистот. 

Последните информации велат дека манекенката дури најмила и адвокат за разводот, но и дека Брејди не ја сфатил сериозно. 

„Том мисли дека ова е само закана од Жизел. Но, таа е дефинитивно сериозна. Работите се многу напнари сега. Мислам дека ова е крајот за нив двајцата“, вели извор близок до двојката за Дејли Мејл. 

Годинава, некои од најголемите холивудски ѕвезди ставија крај на нивните долгогодишни бракови и врски, меѓу кои и Гвен Стефани, Риба Мекинтаер, кантри пејачот Блејк Шелтон, Сиена Милер, Кортни Кардашијан, Џенифер Гарнер и други.