Кристин Дејвис во креација инспирирана од „Sweet Gwendoline“на снимањето на „And just like that…“
•
13 октомври 2022
Актерката Кристин Дејвис која ја игра Шарлот во мега-популарната серија „Sex and the City", се појави на снимањето на втората сезона на „And just like that..." во Њујорк облечена во креација која го привлече вниманието на камерите.
Фото: wwd.com
Впечатливата комбинација вклучуваше црн корсет, живописен розов блејзер, здолниште со пруги црна, светло сина, розова и зелена боја со набран опаш во задниот дел и потпетици на платформа во црна боја.
Изгледот на актерката беше надополнет со тенка црна лента околу вратот, пар црни кожени ракавици, пар обетки со бисерни навртки од Fry Powers, Fascinator шапка од Millinery колекцијата на Stephen Jones со голем ревез и јавачки камшик.
Фото: wwd.com
Според профилот @andjustlikethatcostumes на Инстаграм, каде костимографите Моли Роџерс и Дени Сантијаго ја документираат модата на ликовите, изгледот на Дејвис е инспириран од „Sweet Gwendoline" на уметникот Џон Вили.
Дејвис неодамна беше забележана заедно со нејзината колешка Сара Џесика Паркер на сет на снимањето на втората сезона на „And just like that...", каде се очекува да се појават и останатите од актерската екипа, вклучувајќи ја и Синтија Никсон.
Фото: wwd.com
