Ноемвриското модно шоу на Меланија Трамп

•

1 декември 2017

Од моментот кога Доналд Трамп стана кандидат за претседател на САД, Меланија Трамп е во фокусот на медиумите, а особено оние модните.

Со оглед на тоа дека се соочуваше со бојкот од голем број дизајнери, а поради политиката на нејзиниот сопруг, за само неколку месеци со нејзиниот стил успеа да го освои дури и „Вог“.

Нејзиниот стилист Ерв Пјер, поранешен дизајнер во брендот „Каролина Ерера“, успеа да го усогласи својот естетски сензибилитет со нејзиниот, па Меланија Трамп стана синоним за елеганција и женственост.

А тоа го потврди и минатиот месец. Доналд Трамп и таа беа на 11-дневна турнеја низ Азија, период во кој првата дама покажа беспрекорен стил.

Освен тоа, беше актуелна со активностите околу новогодишните декорации, па ноември беше месец во кој таа приреди навистина одлично, но и скапо модно шоу.

На пример, прекрасниот фустан од брендот „Borgo De Nor“, со кој започна турнејата, чини 1.100 долари (900 евра).

„Фенди“ капутот пак чини речиси 5.000 евра, црвениот „Валентино“ фустан околу 3.500 долари (3.000 евра). Прекрасниот бордо капут од „Делпозо“ преку 4.000 долари(3.300 евра).

Вечерната тоалета со потпис на „J.Mendel“ чини преку 12.500 долари (околу 10.000 евра), додека чевлите дизајнирани од Маноло Бланик и Кристијан Лубутан во просек чинат околу 600 долари (500 евра).

Кога ќе се соберат цените (барем оние што се познати) на нејзините стајлинзи, пресметката вели дека за Меланија да изгледа така чини околу 50.000 долари (преку 42.000 евра).

Во продолжение погледнете ги нејзините модни изданија во ноември, вклучувајќи ги и оние за време на турнејата:

Заминување од Белата куќа за турнејата – 3.11

Син капут„Емилио Пучи+сини „Лубутан“ чевли