Новите домови на холивудските ѕвезди

Пазарот за недвижнини станува се поголема мета за медиумите особено кога некоја од познатите ѕвезди ќе го продаде стариот имот и купува нов.

Поради честите селидби, како резултат на работните обврски,  холивудските познати личности понекогаш купуваат и повеќе домови во различни делови од светот. Фановите и обожавателите секогаш сакаат да дознаат нешто повеќе за приватниот живот на ѕвездите па затоа и денеска ќе се обидеме да го задоволиме вашето љубопитство и ќе ви ги откриеме имињата на познатите кои решија да си ја збогатат колекцијата домови со уште едно ново „катче“.

 Леонардо Ди Каприо

Леонардо Ди Каприо

Изгледа дека несудениот оскаровец, место не го фаќа. Лео во последниов период купи дури три нови апартмани. Се’ почна во февруари кога актерот купи куќа во Палм Спрингс, Калифорнија во вредност од 5.2 милиони долари. После месец дена, Ди Каприо реши да купи стан во долниот дел на Менхетен вреден осум милиони долари и на крај оваа серија на прекрасни локации ја заокружи со трособен апартман во квартот Гринич Вилиџ кој го чинеше само десет милиони долари.

Леонардо Ди Каприо

Можеби цената за последниот стан е оправдана со оглед на фактот дека станува збор за катче кое е луксузно опремено, како на пример тушот во кој водата е збогатена со витамин Ц, а станот има најсовремен систем за прочистување на воздухот и светилки кои испуштаат светлосна емисија на честички кои се слични на сончевите зраци.

Роберт Дауни Џуниор

Роберт Дауни Џуниор

Иако е најплатениот актер според листата на Форбс , сепак актерот Роберт Дауни Џуниор не тргна во мегаломански поход како неговиот колега Ди Каприо. Тој е презадоволен со својот ранч во Лос Анџелес. Станува збор за куќа на еден кат, која датира од 1947 година и се протега на површина од 180 метри квадратни. Ова преубаво здание вклучува четири спални соби, две бањи и голема градина.

Орландо Блум

Орландо Блум

После разводот со преубавата Миранда Кер, Орландо Блум целосно им се посвети на работните обврски. Освен подготовките за улогата во филмот „Хобит“, актерот купи нов стан во Њујорк. Станот вреди 4,9 милиони долари и е лоциран во зграда која е изградена во 1882 година. Во апартманот има три спални соби, дневна соба, трпезарија, бања и гостинска соба. Интересен е фактот што на катот над него живее преубавата Тејлор Свифт.

Ени Лејбовиц

Ени Лејбовиц

Познатата фотографка Ени Лејбовиц, отсекогаш го сакала животот на висока нога. Затоа после продавањето на куќата таа си купи луксузен апартман со поглед кон Централ Парк во зграда која е изградена во 1910-та година и има преубав внатрешен двор. Во станот има три спални соби, високи столбови, дрвени подови и вреди вртоглави 11,25 милиони долари. Прв сосед на Ени и е Роберт де Ниро на кој по се изгледа исто така му годи гламурозниот скап начин на живот.