Според последните извештаи, бројот на жртви во пожарите во Калифорнија се искачи на 44, а материјалната штета што овие историски пожари ја предизвикаа е огромна.
Фото: CNN
Неверојатните ветрови продолжуваат да им ја отежнуваат работата на спасувачите и пожарникарите, поради што се очекува уште поголема штета.
Фото: CNN
Повеќе од 300.000 луѓе морале да бидат евакуирани од нивните домови, а околу 100 тина сè уште се сметаат за исчезнати.
Фото: CNN
Познатите холивудски ѕвезди чии домови се наоѓаат во пределот со пожарите информираат дека нивните домови се во голема опасност да бидат проголтани од огнот, а дел од нив веќе ги изгубија имотите.
Актерот Жерард Батлер сними видео од неговото соседство кое исто така беше зафатено од калифорниските пожари, а снимката покажува колку ситуацијата е всушност сериозна.
View this post on Instagram
Тој е само еден од многуте кои ги загубија домовите во пожарот, а на листата утринава се додадени и пејачката Мајли Сајрус, пејачот и продуцент Робин Тик, додека домовите на Вил Смит, Лејди Гага и Кардашијанс биле навремено спасени, а тие евакуирани.
Домот на актерот Жерард Батлер
„Овде е како воена зона. На некој начин, секоја една куќа е уништена. Каква разлика може да направи еден ден. Моите мисли се со сите оние кои ги изгубија домовите во пожарите. Многу луѓе изгубија сè и ќе мора да почнат да градат од нула“, напиша тој покрај видеото.
Домот на Робин Тик
Лејди Гага објави видео на Инстаграм како ја евакуираат од нејзината куќа и им посочи на обожавателите дека се е во ред, а во понеделникот се појави во едно засолниште на Црвениот крст каде два часа разговарала со евакуираните и пожарникарите.
Инаку, полицијата сè уште ги истражува причините за неверојатните и историски пожари во Калифорнија.
Фото: CNN
Инфо: Daily Mail, CNN
Фото: Daily Mail, CNN
