Прогнозираме: Што ќе носи Кејт Бланшет на Oскарите?

•

3 февруари 2023

По сите изгледи и предвидувања, холивудската актерка Kејт Бланшет има големи шанси годинава да се закити со Oскар. Нејзината неверојатна изведба во психолошката драма TÁR, веќе ѝ донесе Златен Глобус, а со тоа најави дека е добар кандидат за најпрестижната награда во кинематографијата.

Имено, ликот што го игра е фиктивна диригентка Лидија Тар, чија што кариера е портретирана од врвот кон дното.

Во филмот кој што исто така има номинација за Oскар се проткајуваат теми поврзани со деловна саботажа, љубовни измами и нарушени фамилијарни односи.

Но, Кејт не е генијална само во актерските води, туку има и одличен вкус за мода. Низ годините сме ја гледале во прекрасни изданија, а кога станува збор за дизајнери, најмногу се потпира на Армани.

Издвоивме неколку незаборавни изданија во кои што Кејт досега воодушевила на црвениот тепих и врз основа на тоа прогнозираме што би можела да носи на претстојните оскари.