Среќен роденден Зендаја!

Зендаја Мари Стоермер Колман е американска актерка и пејачка и моментално една од најголемите млади ѕвезди во Холивуд.

Уште како малечка започнува да се интересира за шоубизнисот и да покажува талент за глума, пеење и танцување.

Нејзината ретка убавина придонесува да стане модел уште како дете, а освен тоа членува и во танцувачка група.

Зендаја е родена на денешен ден 1996 година во Калифорнија, од татко со Нигериско и мајка со германско- шкотско потекло.

Таа е најмладата ѕвезда што освоила две Еми награди за најдобра женска актерка во драма. Покрај Еми Зендаја има добиено и Златен глобус. 

Најголема популарност стекнува во 2017 година кога игра заедно со Том Холанд во филмот Spider-Man: Homecoming.

Зендаја од 2019-та е дел од актерската екипа што глуми во тинејџерската серија Euphoria.

Може слободно да се каже дека младата актерка е и модна икона. Има работено за Michael Kors, Dolce & Gabbana, а дизајнираше и колекција на чевли и облека наречена Daya.

Во 2018, стана амбасадор за Tommy Hilfiger, а соработуваше со модната куќа и на капсулната колекција Tommy x Zendaya.

Следната година станува моден амбасадор и на Lancôme, по што следува ангажман за Bulgari и Valentino, за во 2023 да стане амбасадор и за Louis Vuitton.

Од ноември 2021-ва Зендаја е во врска со колегата од Spider-Man Том Холанд.

Издвојуваме неколку прекрасни изданија на младата ѕвезда во чест на роденденот.

Фото: Pinterest