Дајан Кругер во фантастична безвременска комбинација од „Сен Лоран“
•
11 април 2022
Актерката Дајан Кругер неодамна беше гостинка во шоуто на Џими Кимел. Поводот беше ппретставувањето на првата сезона на нејзиното тв-шоу „Swimming With Sharks“.
Но, она за што зборуваат модните магазини е нејзиниот стајлинг.
Таа се појави во одлична модна комбинација со парчиња од „Ив Сен Лоран“. Црни класични панталони, во комбинација со темен корсет и кратко карирано палто - безвременска, а модерна естетика.
За комплетниот ефект придонесуваат и нејзината фризура во стилот на „Стар Холивуд“ и накитот, а секако и црвениот кармин како неизбежен моден детаљ.
Инаку, 45-годишната актерка за својот изглед веќе долги години соработува со стилистката Кејт Велч, која и овој пат се погрижи таа да изгледа беспрекорно.
Како ви се допаѓа вам?
