Кимоно наметки – од плажа до вечерен изглед

Комерцијализацијата го донесе традиционалното јапонско кимоно на западниот пазар.

Особено со неговата модернизација во средината на минатиот век, за која се заслужни западните дизајнери како Пол Поаре и Кристобал Баленсијага,
јапонското кимоно доживува свој моден блесок најнапред меѓу дамите од повисоката класа, а потоа масовно се популаризира.

Токму надминувањето на границите на затвореното јапонско општество и придвижувањето на кимоното кон западот, е една од темите на актуелната изложба во Метрополитен музејот во Њујорк "Кимоно стил: Колекцијата Џон К. Вебер" која ни ја прикажува неговата еволуција.

Во современата мода тенденциите инспирирани од кимоното станаа речиси базични, пред се поради неговата функционалност, а истовремено и поради фината естетика.

Денес, кимоно носиме од плажа до луксузна коктел вечера.

Неговиот Т крој дозволува лесно да се прилагоди на сечија фигура, а притоа дизајнерите лесно „манипулираат" и го трансформираат од наметка во фустан.

Со леснотија го комбинираме и тоа е една од основните причини зошто кимоното е „evergreen" во модната сфера.

Едно од ретките парчиња кои веднаш може да ги замислиме без многу да размислуваме и во лежерен и во дамски изглед.

Од плажа до коктел вечера, кимоно во неколку различни комбинации издвојуваме како идеја плус низ фотографиите во продолжение.

Фото: Пинтерест