Мантилите како предвесник на есенската сезона

•

21 август 2023

Мантилите се неизбежни за сезоната што следи. Едноставно не можеме да ја замислиме есента без нив. Од првичната намена како практично парче за дожд па сè до синоним за софистицираност, тие имаат способност да го трансформираат и наједноставниот стајлинг.

Кога одбираме капут најчесто тоа се беж, сиви, црни и слични неутрални тонови, но, немојте да се изненадите ако наидете и на јаки бои како црвена или зелена.

Мантилите можат да се изработат од различни материјали, џинс, памук, скај, кожа, а покрај монохроматските има и верзии со принт којшто можат да се вклопат и во потоплите денови.

Освен традиционалните долги модели, сретнуваме и кратки мантили коишто се одлични за преодната сезона.

Од кежуал до формален стил, мантилот секогаш ќе изгледа тренди.